كنت حاسس إن يوم الحب هو يوم الفُراق

مبتسم والااه فيني قد تخبث بحتراق
مبتسم والجرح صاير مثلما بيراٍ عميق

عايش بهمي وغربه من اثرها الصدر ضاق
عايش وكني بصحراء تايه بكل الطريق

لين جتني كالمها والحسن عالنجمات فاق
في اواخر شهر تسعه صابني موج ٍدفيق

حولت ليلي نهاري زودت شوق العناق
صار اهلي والحبايب صار خلّي والرفيق

خلّت الدنيا جميلة في نظر عين المعاق
نايمُ واسمه بصوتي وعالاسم دوم استفيق

غربتي صارت ورود عقب ماكانت خناق
ودنيتي ذي عفتها اليوم الماس وعقيق

وصارت اخلاقي حميدة محترم بين الرفاق
وصار ربعي ينشدو عني بهاذاك الرقيق

عشت لحظات المحبه بيننا بند اتفاق
اننا نبقى حبايب نبني بساس ٍوثيق

وصرت انا قيس الذي امسى حبيبه بالعراق
ابعثو ليلى إليا احذرو اني طليق

بئس حرباٍ مقبله والساق تلويها بساق
من اشارتها فكانو بين مفقود وقريق

نرتوي كاس المنيه للحرب حنا سباق
من سلالات العروبه اصلي وفصلي عريق

عهدي والله مااخونه حتى لو تزهق عناق
واعرفي يانور عيني إن حبي لك حقيق

والتقينا بعدها زاد الوله فيني اشتياق
قلتله وش ذاالجمال فاتنُ وخصراً رشيق

خذت جواله بأيدي للرسائل بنطلاق
كنت متوقع الاقي اسمي الاول سبيق

وكنت اطالع والدمع يجري بخدي بنزلاق
وكان خلي مرتبك تتلعثم اقول اللبيق

قلتله ويلك من الله تقتل اللي فيك باق
ابتسم والخوف باين قال هذا لي شقيق

قلتله شايفني اهبل او مزاجك غير راق
يالمدرب شفتلك غيري تكبتنه الفريق

كنت حاسس إن يوم الحب هو يوم الفُراق
صابني ارته وناره هزني هز الصعيق

اتضح اني بدل فاقد لتكميل الفراغ
شخص يتسلا بحبه لو اجاء له وقت ضيق

قلتله ليه الخديعه والمكر ليه النفاق
ليه ياللي كنت في عمري زفيري والشهيق

بس تأكد انك انته خاسراٍ ياطفل عاق
لن عمرك ماتلاقي بالهواء مثلي عشيق

قالت اسمع وانتبه من هرج مامنه عتاق
شف علاقتنا طياشه عابره في هالطريق

قلتله ثمّن كلامك شف كلامك لايطاق
روح وتسلا بغيري شوف لك شخص ٍ رويق

وافترقنا وكنها نالت من الساذج عتاق
ذقت انا ناره وسمه الذي كان الرحيق

وبنهي ابياتي بكلمة للذي للحب ذاق
ارسم احدودك لحبك خلّك بحبك بليق