للذكرى

خذت ايام عمري وسافرت لبعيد... وخليت الدمع بجفاك سابيني
ما انساك لحظة وانت تعرف زين.... إذا عني تغيب لحظة عيوني تعميني
تعلمني السهر وعيوني ابد متنام.... يموتني اشتياقي وحيل ياذيني
وتلوعني بغيابك وكوة اصبر الروح.... وازرعهة بأمل والصبر يجنيني
سميتك شعر وسنين اكتب بيك... واضل اكتب عليك وما افك ديني
واذرفلك دمع يحرك جفون العين... واكولن عيني فدوة تروحلك عيني
واصرينلك نفس لوضاق صدرك بيك... ياسلوت حياتي وشمعت سنيني
واريدك لو اموت كبالي انت تكون... واشم عطرك حبيبي وهوة يحييني