شكثر وي الحزن ماخذ تصاوير

يل تسأل علية اشلون الاحوال
انة عاشور عيني ورمشي زنجيل

وبعد ماظل جفن يعتب علة بجاي
صفت عيني مصر ودموعها النيل

النهار يمر علية بثكل الجبال
وامد الصفنة سجة ويعبر الليل

وشجالك يافرح متعاند وياي
احس جيتك نداوة وردتك سيل

تمر صح بالنخل بس جفي مكطوع
وشتكل لليكلك حط بالزبيل

الحمل مو بس ثكيل شون ينشال
انة حملي نهر وجتافي غربيل

وعفاني شكد جلد واتحمل هموم
جنح فراشة شايل جبل ويطير

اكل راسي الثلج واستفحل الشيب
مثل سبورة تاكل بالطباشير

ولو هوّ الحزن مريود نوبات
الخشب جا ظل حطب لوما البسامير

انة اندل الحزن واعرف خفاياه
حرامي الزرع تندلة العصافير

رفيق الدرب هم وعشرة سنين
شكثر وية الحزن ماخذ تصاوير

ومن كد مابجيت وسالت دموع
علة خدودي الفلح شدت نوااطردوني من المنتدى







[b]