والله ندمة

والله ندمة

مات جوه الكاع حبك من بعد ماجان نجمه

وشرجي صار العمر بعدك يل جنت بيامي نسمه

احنه سبحة وطش خرزه وما نرد هيهات لمه

دنيا جذابه ووكيحة وهل وكت ماعنده ذمه

وانا حزني الجان جاهل من هجركم صار زلمه

والله ندمة

بيه وصلة انسه اسمي ومانسيت بيوم اسمه

وروحي بيني وبينه صارت لاهي يمي ولاهي يمه

شمااريد الزمه عنك روحي ماتنطيني لزمه

والله ندمة

حصدوا بستان وردك وانه حسرة اعليه شمه

وكالوا المقسوم يحصل وانتظر تجمعنه قسمه

ولوسمعت اجدام مرت كلبي فرفح كال جدمه

والله ندمة

حسبت يذكر محبتي وبالبواجي اعيونه تعمه

ومن ينام بغير حظني ايصير تابوت اعله جسمه

بطلت عينك بواجي ورضت بشفافك البسمه

والله ندمة

شمعي نورته بطريقك وانت شمعاتك مظلمه

وكلي يانوم الانامه وياحلم كلي الاحلمه

كافي وانساهم ياكلبي ذولي موش اوجوه نعمه

تكتب بدمك رسايل للي مايسواش جلمه

وبعدلاتحمدلك احد تالي هم تحتاج ذمة

والله ندمة