ثــــــــــوب الحــــــــــزن

ثــــــــــوب الحــــــــــزن

اشگ ثوب الحزن بيدية كل يـــــــــــوم
واگولن هذا حدي وياك حزنـــــــــــــي

وأتأمل فرح لمن اغط بالنـــــــــــــــــوم
اشوف الفرح بأول حلم خانگنــــــــــي

وأرد أنة على حزني ومنة اخيط هدوم
البسنّــــــة واگل للروح عاجبنــــــــي

موبيدي أچذّب ردت اصبر الـــــــــروح
بس روحي ذكية تگول جاملنـــــــي

وعلى الموال هذا انترس عمري غيوم
ولانور الشمس فد يوم گابلنــــــــي

اصبر والصبر خيط أعلى شمعة ضيم
لا هية طفت لاصبري يسعفنـــــــي

واستسلم واگول لعاذلي لـــــــــوم
عمت عين الوكت وياك يحرجنـــــي

انة الجبت عمري مباطح ويـــة الاه
ما افاخر ابد كل يوم تهزمنــــــــي

واحس مسجون انة والفرح سجان
قفل باب السجن خلة وشرد مني

ومن عني أبتعد گتلة شجرالك عود
نزلتة دمعتة وجاوبني اعذرنـــــــي

گلالي الحزن تارس دربنا الغـــــام
اذا اجيلك نموت وياهو يدفنــــــي

گتلة بدفنتك حاير ولك بس عــود
الف خيّر الاگي وياك يحشرنــي

فشلني ويگلي منين الك خيرين
عذالك غنم ياذيب فهمنــــــــي

لذلك لا تظن اتلاكة ويـــــــــــــــاك
فراشة ونور حزنك والله يحرگني

يل عندك حزن گد السمة بمرتين
شهب انة بسماك شلون تلگفني

ومشة وخلاني دايخ والقهر بركان
دخت مو چي تركني الگالة دوخني

صحيح الگالة بس الخوف كل الخوف
اذا شامت يمرني أبيش ياطردوني من المنتدىني

لذلك راح اضل بسجني حد الموت
واگض ثوب الحزن لايوم يتركنـــي