ليـــــــــــــش تزعـــــــــــــل
اصبر الروح بيش وانته بيها الروح
واذا تطلع اضلن بس جسد خالي
لـﮔيتك من چنت مالاﮔـي كل الناس
انته اول محب وانته الصرت تالي
يالكلك محبه وانته احن مخلوق
معقوله الحمامه اتصير كتالي
صح ماكو بجمالك انه ادري بهاي
وروجة رقتك ماكظهه كل جالي
حرام اعليك تزعل ونته تزعل ليش؟
اجيك انه اعتذر وبلا ذنب خالي
غالي وكلشي عندي وما اهدك دوم
وغالي وهسه احبك چي صرت غالي
احسك تختلف عن كل بقية الناس
بعيوني اشوفك عالنجم عالي
واشوفن دمعتك ماچنهه تنزل ماي
ذهب تنزل دمعتك تجدح اتلالي
الك بستان عمري بكل ثمر مزروع
راضي بكل شي منك كلشي يحلالي
اجيك ومن ارد فارغ ارد للغير
وعنب بس اعله مودك تارس اسلالي
يمك انسه روحي ومن اكون وياك
وعلى فنجان شفتك تركع ادلالي
موضوع: ليـــــــــــــش تزعـــــــــــــل 
