تذكير بمساهمة فاتح الموضوع :
هلي بية درو كمت اني احبك
ويدرون بس انت تلفتلي انتباهي
هلي يدرون من تتزاعل وياي
اضل اصرخ رحمتك يا الهي
هلي نشدوني عنك وكلت بالروح ونشدوني على روحي وكلت ماهي
وانت هواي متغير هالايام والي براسك قرو اني عرفتهم
نفسهم همة اجو واتقربولي دكو باب كلبي وطردتهم
ليش لان تقديرك انت فوك عالراس
احطهم وين انالوقدرتهم
انت انت ماتجي بس اني اشوفك وهمة شكد اجو بس ما شفتهم
لجل حالك انا بهذلت حالي وحالي يكول يلة المهم حالك
ودلالك زاد ,زيدلي اذيتي واذيتي جمالةهم تحب دلالك
يشابع نوم اني قراية قاريك مدري شمالي وادري شمالك
كالولك كبل عندي علاقات كبلك عاشك اني هواي اسامي
عشكت غيرك بس تدري شلون عشكتهم مو صدك واني باحلامي
واني عندي قصد حبيت غيرك حتى امتلك خبرة في غرامي
صار سنين احضر واقرة لهواك وصار سنين احضر في كلامي
لان ميصير احبك مثل غيرك واني الضامك لاخر ايامي
اني الحبيتهم جانو بروفات حتة انت تظل مسكي الختامي
عليك تطوطحت صاحي مو سكران واني اول محب سكران صاحي
دوام اهل المدارس وكت واحد ودوامك بالكلب عصر وصباحي
موضوع: شعـــــــــــــــــر جميـــــــــــــــــــل 
