يا صاحبي

يا صاحبي ضاق الحكي في لساني
كلمه وقالوها [ وحطوا بي ] الذنب


أكبرهم اللي لا تضايق لقاني
وأصغرهم اللي ضاع دليته الدرب


ماكنت معهم بالعطايا اناني
ذنبي الوحيد محلق ٍ خارج السرب


لو عذربوني قلـّهم مايعاني
القلب ينبض من طهر غيرهم حب


ماهزّني زيف الليالي عشاني
حطيت كل اللي [ حكوا بي ] على جنب


شربت من يمناي محد ٍ عطاني
عطشت لكن : كنت الأوّل على الشرب


يا صاحبي والجرح مثل الأماني
يكبر معي واحسب خطاهم على القلب


رسمت بالدفتر وجيه وقراني
إلا القرابه جرحها مالها طب


إن غبت : شرفهم غيابي / مكاني
وإن جيت يكفي جيّـتي تكسر الصلب