اريد انســـــــــــــــــاك***********

اريد انساك ونسة البينك وبيني


وشك دفتر غرامك خاطر انة انساك
ودير الوجه عنك من تلاگيني
ماريدك بعد لو انت روحي اتصير
و ماريدك لون من موت تحييني


ملح بعيوني احطن ونسة حتى النوم
اخافن بالمنام طيوفك تجييني


اذا شافتك عيني وفرحت بملگاك
والله اتبره منهه وهاي موعيني


واذا صافحك جفي بحجة الخملان
اگص اثنين اديه يساري ويميني


واذا گالولي حبك يسري بالشريان
ثق بالله اگطع كل شراييني


واذا صاير شمس انه ابقه دوم بليل
وماريد الضوة وبلظلمه خليني


تذكرمن لگيتك والعطش واليك
وگلتلي امعود اترجاك روييني


عصرت اجفون عيني ووشلييت دموع
وشربتك بديه وانت تدرييني


ومن مرني العطش صرت انت جربة ماي
گصدتك معتني ومديت جفيني


وانتة بكل وكاحة وكل صلافة عين
درت بجفوفي سم وردت تنهيني


تذب نفطك عليه وانه بيه النار
وتتحمه اعله ناري وماتطفيني


وصرت محبس بديك وگمت بيه تسوم
ساعة تبيع بيه وساعة تشريني


اظل خصمك وفضحك حتى من اتموت
على گبرك اخطن بايگ اسنيني

اظل خصمك وفضحك حتى من اتموت
على گبرك اخطن بايگ اسنيني

شنو انت متكولي
يكمت مااعرف شرد عليك
بس ظحكتني شنو هذا الي خاله




ههههههههههه

احلى شي


عاشت ايديك ورده