حسنك معجزة وبيك الجمال انواع

لأنك مو طبيعي ولوحة من فنان

ولأن هاي الخلّك تخجل تباوعلك

گمت من تعبر انت الوادم تحييك
تشرد مّره منك مّره ترجعلك

محتارين بيك وبيك مدري شلون
شافوها الشمس تمشي بتسر ظلّك

ولأن من تمشي تنتج هزه فوگ الگاع
گمت من تمشي حتى الگاع توگفلك

وأذا طلعت شمس صار النهار اثنين
يعني انت شمس بس عادي نوصّلك

حسنك معجزة وبيك الجمال انواع
وربك للجمال اشكال خالقلك

خذوا منّك نموذج للحسن خلوه
ومن شعرك سواد الليل سبلّ لك

خفت منك لأن بلوه الجمال البيك
وربك بالحسن هوا الي شاهدلك

صعب وصفك اكتبه شلون بس بحروف
بس موبيدي والله الگلب يكتبلك

رجف بيدي القلم وعيوني نامت بيك
ورموشي تحيـــة تريد تاخذلك

واذا اگدر بعد كلَي التحم وياك
واشد كلي ويه كلك وأدخل بكلك

تقديري للجميع

شًِْكَرٌٍآ آلكَ يَآ مًيَمًوٍ

قٌٍصٍْيَدًٍة رٌٍوٍعًٍة وٍكَلمًآتُِِّْهٍَهٍَ رٌٍوٍعًٍة

تُِِّْحٍّيَآتُِِّْيَ آلكَ يَآ رٌٍآقٌٍيَ دًٍمًتُِِّْ بٌَِهٍَذٍَآ

آلتُِِّْمًيَزٍُ وٍآلآبٌَِدًٍآعًٍ يَآ وٍرٌٍدًٍة

تُِِّْقٌٍبٌَِل مًرٌٍوٍرٌٍ آلمًتُِِّْوٍآضًٍعًٍ