تاسع انوار الامامه

صاحب العز والكرامه . تاسع أنوار الامامه
جرحه بينه . يعن علينه
***************
ها لليله أحفاد ألضلاله والجور . من عترة الهادي النبي أطفو نور
ها لليله من سگم الفجيعه مكسور . گلب اليوالي وعينه مدمعها يفور
يجري الدمع با لعبره . ويواسي أمه ألزهره
وينادي . يا لهادي
يلهج لسان أحبابك . عظم الباري أمصابك
يا نبينه . يا ولينه . تاسع أنوار الامامه
*************
هذا الجرح يا لهادي عاد وخذم . وبكل مهجنه ها لجرح يزرع هم
شربنه من كاس النوايب علگم . جرح الجواد وما عرفنه المرهم
هذا الجرح آذانه . وأصبح يعيش ا ويانه
وهمومه . مرسومه
حصره ممتده بحزنها . وشيعتك ما يهده ونهى
ما هدينه . من ونينه . تاسع أنوار الامامه
**********
نور الشمس حاول الغيم أيحجبه . لاچن تعله وهالا مر من ربه
أهل الشرك رادو يرد من دربه . ويخيب أمال التعنه ألركبه
لا چن محمد حاشاه . يبخل علينه بدماه
وجروحه . البروحه
بيهن الشاطي ألسلامه . وصّل أنصار الامامه
بي نجينه . واعتلينه . تاسع أنوار الامامه
***********
لجل النهج يتفانه ابن المختار . سار بدرب الحسين والد الأحرار
من الگمر راضع شجاعه وإيثار . يحمل عقيدة جده حماي الجار
ومن فاطمة المظلومة . شال الصبر لهمومه
وأيامه . بآلامه
صاحبت حزن المنايا. من البداية للنهاية
كل سنينه . تبچي عينه . تاسع أنوار الامامه
***********
يا لمهدي جدك بالغدر هذا اليوم . يجرع كأس لهل ألظلاله مسموم
تتگطع أوصاله بسموم أهل الشوم . مثل الحسن من غدرته العن گوم
يا لمهدي طالت جعده . چم حسن ونسم چبده
والظالم . ظل حاكم
وينك الثار الأطايب . يا عجب ليهسه غايب
تمرمرينه . تعذبينه . تاسع أنوار الامامه

يسلمووووو موضوع روعه

تحياتي

شكرآ ورده