قصيدة عتاب بين حبيبين روووووعة والله ......... -

شذكرج بيه واجيتي...
وين ... صار سنين مامرت ولا نسمه على بيتي ...
شذكرج بيه بعد هاي السنين انتي مو اصلا نسيتي ...
دورت بين الدفاتر ... بين طويات الهموم ... بين احلامي القديمه ... وغافيه انتي ومادريتي ...
هذا بختي الجابج انتي ... اني وياج على نيتي ...
... وما نسيتج ... انتي يمعوده النسيتي ...
..........
_ اني ... اني لتكلي نسيتك ... انت ما تعرف الصار ...
اني بعدك شجره ماتت والغصن ذب الخضار ...
وصار ليل العمر كله ... وعاند بجيته النهار ...
واني لتكلي نسيتك انت ماتعرف الصار ...
..........
_ شنهو الصار ... انتي مو عفتيني سكته ... ولا سألتي ولا اظن اسمي مره بليل يخطر عليج
ولا ذكرتي ايامنا وكعدة الحلوه ... ولا ايديه الشابكت بالحب ايديج ...
وج ليش ؟؟؟ مو اني احبج ... بس شكلج اني اعتب على روحي ما اعتب عليج ...
..........
_ لا حبيبي ... شلون انسه ... وهو ياهو الينسه عمره ...
شلون انسه ... وي كل لحظه العشتهه وياك ذكره ...
هنا كعدنه ... هنا مشينه ... هنا نزل دمعي على خدك كطره كطره ...
جان كبلك ليلي مظلم ... ومن عرفتك كمت اشوف الدنيا كمره ...
شلون انسه ... وهو ياهو الينسه عمره ...
..........
_ لا ... انتي بعتي ايامي واحلى الذكريات ...
واني ضميتج بكلبي ورسمج بعيني يبات ...
صدكي لو رايد اعوفج جان عفتج ... يمي اشكال البنات ...
بس لأن اني احبج واحس بس وياج تحلالي الحياة ...

تحياتي الك يامبدع


تقبل مروري المتواضع