آنه إذا حبيت(لشاعر علــــــــ ألفريــــــداوي ـــــــــي)

[i][b]
انه أذا حبيت أحبك من ضمير ... روحي شمعه ليل تذبل من تحب

وأذا أكرهك الله يستر من وراي وظلت بكيفك تكمل تنسحب

أتريد تعشك راح تلكاني ملاك ... وحظن دافي وورد وألوان وعشب

وأنت إذا رايد لعب لعب أهلا تعال ... هاي سهله وحتى مابيها تعب

ألعبك وألعب على الي لعبو عليك ... العلمك تلعب أعلمه على اللعب

تريدني أسهل سهل وياي صير ... تريد تصعب راح تلكاني صعب ...

أتريد من عندي عشك أنطي حنان ... أتريد من عندي ذهب تنطي ذهب ...

أتريد من عندي وصل أنطي وفاك ... أتريد تنطيني جذب تاخذ جذب ...

ولأن واحد كلبي واحد يبقى بيه ... آني ماعندي حبيبين بكلب ...

آني مثل النار تنطيها تزيد ... منها تاخذ راح من يمك تشب ...

عيني أذا مابيك تمليها حنان ... راح من تروح لجلك ماتصب ...

وباب كلبي إذا متحنيه بأيديك ... لو شلعت الباب ما تكدر تطب ...

تريد تكسرني صعب لين أصير ... تريد تعصرني راح تلكاني صلب ...

بكيفك آني شلون مارايدني أصير ... جاهز اني ومنتظر عند الطلب ...

الخشب نفسه تريد تصنع بي خراب ... أتريد كرسي ملك تصنع بالخشب ...

انه طبعي وية العشك نخله وية كاع ... أذا ماكو مآي ما تنطي رطب ...

وأبد لاتستغرب الحب لو عذاب ... هية رحمه ولابسه هدوم الغضب ... الحب جرح لمن نداويه نحتويه ...

والجرح لمن نهجره يلتهب ... بالعشك كلشي أكو كلشي يصير ...

أكو بالغصب وأكو لا مو غصب ... لتستغرب لجل التحبه تموت ...

بالعشك ماكو عجب بس العجب ... ناس ماتت حتى التحبه يعيش ...

وناس عاشت لجل التحبه يحب ... بيوت عمرت بالعشك صارت قصور ...

وبالعشك نفسه نفسه ألف بيت أنخرب... أثنين يعني الحب أذا ثالث يفوت ...

حرف ثالث فات يتحول حرب... المثل ميضربونه إذا عاشك أسير ...

المثل مرات بالحب ينظرب ... موش أكو حب يستمر يعني صحيح ...

وموش اكو حب ينتهي يعني نصب ... أكو حب ينتهي بس ذكراه يعيش ...

وأكو حب يستمر بس أسمه أنشطب ...سبب حبك آذا تلكاه لاتكول ...

أحلى حب لمن تحب بلا جذب
ان شالله يعجبكم