*كافي دموع*

--------------------------------------------------------------------------------

*كافي دموع*





هاي دموع عينك تچوي من تنجاس
يخي عونك عليه أمسحها للدمعـــه



كل قطره بعـــــمر وگليبك المقياس
خايف هذا عمــــــرك گلي شيرجعه



من مهدك ربيت اوية الحزن والظيم
من يومك تجـــد ولغيرك النفعـــــــه



يكفيك الذرف مو نشفتهــــــا العين
گالولي الدمع عل مــــات بي وجعه



مو مرت سنـــــــه وتراب ذر الليل
وخدودك نهر وعيونك النبعــــــــه



اشو كلهم مشو بـس دمعك الواليك
مر عام ومضه وهمومـك مربعــــه



تدري اليندفن يــم أهله هم مبخوت
يلـــگه الي يچفنه,,تشيله هم ربعه



والمدفون بأرضه ماينام بخــــوف
ترويـــه الأرض وبخيرها تشبعــه



ويغفرله الإلـــــه برحمتة الرحمن
وبنور وسلام بنومتـــه يتبعــــــه



بس العاش غربه وگرباله الموت
بيا أيه وصلاة الناس حت ودعه