من دمع العين للمغتربين

ابوس ايديكم للحله رجعوني
اريد اشتم هواها و ابوس اترابها
اريد اشوف اهل الحله الطيبين
اريد ابجي يم باب بيتنه
اريد احضن دنكة البيت و اصيح بعالي الصوت مليت من الغربه و الروح ما تحمل بعد
اريد اروح لكربلاء و ازور و ادعي ربي و
اكوله يا ربي والله احنا خطيه و الغربه حيل حيل تعبتنه
اريد ابوس باب الحسين و ابجي اهناك و ادعي ل الله و اكوله بجاه أل البيت شيل عني همي و ارحمني لان روحي خلصت و توني بعز شبابي

يا ناس روحي ما تحمل بعد والله ما تحمل بعد
شنو الجنيته بحياتي و هيج يصير بيه
اكضي ليلي بالغربه ابجي و اعاني و اكولن باجر تفرج و نرتاح من هم الليالي
و يجي باجر عليه و كله هم و تعب و نفس الشي ينعاد بيه و الغربه كل يوم اتزيد عذباها و اتكولي بعدج ما شفتي من غربتج شي هذا جان كله مقدمات للي راح يصير وياج و عمرج كله افني بديه

يا ناس هاي الدنيا غداره انياله الي عايش بداره وينام ليله وما يفكر بحاله
تعالو و شوفو حالي الليل اللي يمر ع الناس و ينامو اني يمر عليه كابوس ماعرف بي الدنيا اشلون ترتاح
يمر و يكول ها يا غربيه بعدج بالغربه ميته و تعانين لو اتعودتي و بالغربه بعد ما تهتمين
هم بعدج تبجين لو دمعج خلص و الاه من الصدر انمحت و راحت لو بعدج باعالي الصوت اتصيحين

اوف منج يا غربيه عذبتيني وياج و حرمتيني اتمتع بسكون الليل
حرمتيني الفرحه و خليتيني اكضي الليل وياج ابجي و انوح..

يسلموووو ميموووو

تحياااتي لك

يسلموووووووووووووووووووووووووووووووووووو