احبـــــــك مو لان انتي حلـــــــــــوة لا

احبـــــــك مو لان انتي حلـــــــــــوة لا
لان روحي اتلقت كبلــــــــي ولج بيج
اذا انتي تمرين على الاعمة يصيــــح الله
والخرس لــــــــون حاجيتة يحاجيـــج
اذب كلبي علـــى سهمج وانة مجروح
واكلج ديــــــري بالج اخــــــــاف ااذيج
اجرحيني ولج بس كون علـــــــة كيفج
لان انتي ويــــة دمي واخاف ابديـــــج
اجرحيني ولــــــج بس كون مامـــــوت
حتة مــــــــــــــــن يتهمونج ابريــــــج
على المراية وكفـــــت ما شفت وجهي
وشفت وجهج طلعلــي وكمت احاجيج
وثبت بمرايتي وجهـــــج مرايــــــــات
وابـــــــــــــاوع وجهه مرايتي بيــــــج
بكذلتـــــــــــج شد ركبتي وطلع الروح
اريدنه بعـــــــــــد تتقرب عليـــــــــــج
انتي بحضنــــــــي واكـــــــول بعيـــــدة
اريدن هيج كــــــون انة انخبط بيـــــج
بيا شـــــــارع مشيت كبالي الاكيــــــج
افــــــــــوت بغيـــــر شارع هم الاكيج
ارد للبيــــــت كبلي الكـــــــــاج بالباب
اطــــــب كبلي تطبين وتكولين اتانيـــــــك
بغيـــرج فكرت كلت حتــــــــــة انساج
طلع غيرج يشبهـــــج وفكترت بيـــــج
كلش مـــو طبيعي ودخــــــت كلش بيج
وداخـــــت من حجيت ويــــــاج كلماتي
من حلاتج مولاتي وينكالج مـــولاتي
مـــــن كــد ما دخت كتلـــــــج مولاي
شفتـــــج غوشت عيني كمت ما اشوف
درة عينـــــي صفح شافتج ذاناتــــــــي
تسوة الدنية عندي من اكعــــد ويـــــاج
وبدونج كلشي مــا تسوة دنيتــــــــي
من اطب البيتكم اشبــــك على الباب
ويشبكــــج بابنة من تطبين بيتــــــي
فرق مابين عمــــري وعمرج هواي
وكمت لخاطرج اصبــــــــــغ لحيتي
اتأذة اذا وي غيــــــــرج ارتـــــــاح
وحيــــــــل ارتاح اذا منــــــج اذيتي
وغيرج مـــــن يمدني العمر ما اريد
واريد وياج لـــــو يمــــــــــج منيتي
قضيتي وياج ابد خلتني مـــا اشوف
ودعي مــــن الله ما تنحل قضيتــــي
عليج العيـــــن تبجي ليــــل ونهـــار
واكله شعطلــــــج شو مــــــا بجيتي
يوصي احنة بجهالــــة الرايد يموت
وبس اسمج لكوة اهلي بوصيتـــــي
على غيرج ما نحت ما بية حيل النوح
وعليج شكد حلـــــو يونسني نوحي
وكضيت زيارتي بـــس اندعيـــلج
ونسيت وداعتك اندعي لــــروحي
جنت من روحي ضايج كبل لا الكاج
وكلساع اكول لروحي دروحــــي
هسة لا بعد من روحي ما اضوج
اضوج شلون وانتي الصرت روحي
انشع حيل من تلجملي الجــــروح
واظل مقهــور لو طابت جروحي
اعتبرت الـــــــي يداوني يلجمون
وتلجــم بية واعتبرج عــــــلاجي
سجين بحبك اني ومتاني الفـــراج
واصلي واندعـــي لا يجي فراجي
محتاج الحنانج حيــــــل محتـــاج
ومحــــد غيرك يسدلـــي احتياجي
واذا عطشـــان يلكة نهر مثـــلج
مـــا معقـــــول يفتر عالسواجي
تحرجني بقصــــد واطلع الروح
واكول للروح ما تقصد احراجي
ابو الاطبع المزاجي شكد اكرها
واموت عليج طبعك مزاجي

عـــــــــــــــــــــاشت الايادي
ويديم احساسك
طبعا قريت الشعر كله
وحيل عجبني
تحياتي الك
يلله استمر
بابداعاتك

عاشت الايدي
ورده
تحياتي

اني اشكرج حيل ياهيمو الوردة على قراة القصيدة

تحياتي الك حبي حمودي وهذا من ذوقك يسلوووووووووووو

احلى تحية مني الج ياضوة وهذا من ذوقج واحساسج الراقي